Јавната здравствена установа Специјализирана болница за геријатриска и палијативна медицина "13 Ноември" се наоѓа во Скопје,
ул.Борис Сарафов бр.129 во Општина Ѓорче Петров и една единица во Општина Битола,
ул.Лавчански пат бб. Располага со четири објекти (Геријатрија,
Мајка Тереза-Злокуќани и двата Хосписи во Скопје и Битола).
Болницата е специјализирана установа, која ја спроведува здравствената заштита
од областа на Геријатриска и Палијативна медицина и е единствена од ваков карактер во Република Македонија.
Ја прати состојбата, проучува, евалуира, известува и планира проекцијата на идните здравствени потреби и
функционалните онеспособености на старите лица во институција и надвор од институцијата.
Функционира преку Специјализирана- консултативна здравствена заштита за областа геријатрија и палијативна медицина,
организирана преку кабинети за интерна, невропсихијатриска, физијатриска заштита, кабинет за дијагностика и
лекување и нега во домашни услови.
Стационарната здравствена заштита се остварува преку одделението
Геријатрија (интензивна нега и акутно болни и оддел за хронично болни), а палијативната грижа се врши во двата
Хосписи (Скопје и Битола). Болницата интензивно работи на развој и унапредување на лекувањето во домот на болниот
како и на развој на Дневна болница. Значаен дел претставува медицинско-геронтолошкото образование кое се состои
од континуирано стручно усовршување, првенствено во дијагностика, специфичности во лечењето, рехабилитација и
превенција на болести во староста, зачувување на функционалните способности на геријатрискиот пациент преку
поттикнување на активен однос на стариот човек за чување на своето здравје.
