Со задоволство информираме дека здравствените работници д-р Павлинка Милосављевиќ и Весна Попов од Специјализираната болница за геријатриска и палијативна медицина „13 Ноември“, Скопје учествуваа во изработка на меѓународниот научен труд „Assessment of European health professionals’ educational needs in basic principles of geriatric medicine: a focus group qualitative analysis from the PROGRAMMING COST Action 21122“.

Трудот е објавен во престижното научно списание European Geriatric Medicine и дава значаен увид во образовните потреби на здравствените професионалци во областа на геријатриската медицина низ Европа, со посебен акцент на земјите каде оваа специјалност сè уште се развива. Воедно, истражувањето укажува дека грижата за постарите лица бара мултидисциплинарен пристап и ја нагласува потребата од практична едукација, подобра координација и системска поддршка. Овој труд претставува важен чекор кон подобрување на квалитетот на здравствената заштита за постарите лица и развој на современи, достапни и ефективни модели на едукација и грижа. Нашата болница останува посветена на унапредување на знаењето, практиката и стандардите во геријатриската и палијативната медицина, во чекор со европските и светските трендови.